கங்கிரஸ் தலைமையில் புதியகூட்டணி : பாராளுமன்றத் தேரதலில்

தமிழ் நாட்டைப் பொருத்தவரை மும்முனை போட்டியாகவும்
தேசிய அளவில் இருமுனை போட்டியாகவும் அமைய அதிக வாய்ப்பிருக்கிறது.

1.காங்கிரஸ்,பா.ம.க, ம.தி.மு.க, தே.மு.தி.க, இடது சாரிகள் மற்றும் விடுதலை சிறுத்தைகள்.

2.தி.மு.க மற்றும் பா.ஜ.க.

3.அ.தி.மு.க,சுப்ரமணியசாமி மற்றும் இதர கட்சிகள் .

தற்போது கிடைத்த தகவலின் படி தி.மு.க வின் மீது மக்கள் அவநம்பிக்கை கொண்டிருக்கிறார்கள் அவர்களுடன் மீண்டும் கூட்டணி வைத்துக்கொண்டால் தோல்வி தான் கிடைக்குமென்று தமிழக காங்கிரஸார் அகில இந்திய காங்கிரஸ்க்கு தெரிவித்துக்கொண்டிருக்கிறார்கள்.

சோனியா காந்தி அவர்கள் இதுவரை அதைப் பற்றி அவ்வளவாக கண்டுகொள்ளாதவர் நெருக்கமான வட்டாரங்களில் தமிழ்நாட்டில் சட்ட ஒழூங்கு மற்றும்
தி.மு.க வின் அரசியல் செயல்பாடுகள் குறித்து அவ்வப்பொழுது கேட்டறிந்து வருகிறார், மற்றும் மக்களின் மனநிலை எப்படி உள்ளது என்றும் கேட்டுள்ளார்.
ஆகவே ராமதாஸ் ஏற்க்கனவே இதுப்பற்றி பலமுறை காங்கிரஸ் தலைவர்களுடன் பேசி இப்பொழுது அகில இந்திய தலைமைக்கும் கேட்கும் படியாக காய்களை நகர்த்துவதாக தெறிகிறது.

அதனால் தான் இலங்கைப் பிரச்சினையில் காங்கிரஸார் அவ்வளவாக பிடிகொடுத்து பேசாத நிலையிலும், தற்போதைய தி.மு.க அரசின் மீது மக்களுக்கு ஏற்பட்டுள்ள
வெறுப்பின் காரணமாகவும் சற்று ஒதுங்கி இருந்து மவுனம் காத்து வருகிறார்கள்.

காங்கிரஸ் கட்சி MLA க்களின் கூட்டத்தில் கூட்டணியைப் பற்றி சில விஷயங்களை பேசி இருக்கிறார்கள்.

கலைஞர் அவர்கள் சில நாட்களுக்கு முன்பு பேட்டியில் அரசிற்க்கு எதிராக சதி நடக்கிறது என்றும் அதை எதிர்கொள்ளத் தயாராக இருப்பதாகவும் அறிக்கைவிட்டார்.

தி.மு.க வின் சரிவு :

பல விதமான பிரச்சனைகளால் தி.மு.க அரசிற்கு நெருக்கடிகள் தோன்றிகொண்டிருக்கிறது.

1.முதலில் தயாநிதி மாறனுடைய தினகரன் வெளியிட்ட கருத்துக் கணிப்புகள்,
2.மதுரை தினகரன் பத்திரிக்கை தாக்கப்பட்ட விவகாரம்.
3. தயாநிதி மாறனை அமைச்சர் பதவியிலிருந்தது நீக்கியது.
4.அமைச்சர் பூங்கோதை கிரிமினலுக்கு ஆதரவாக பேசி பதவியிலிருந்து நீக்கியது.
5.அரசியல் தலைவர்களின் தொலைபேசி ஒட்டுகேட்பு விவகாரம்.
6.மணல் திருட்டு.
7.அரிசி கடத்தல்.
8.அமைச்சர் மைதின்கான் ஒரு விழாவில் ஏடாகூடமாக (அரிகடத்தலைப் பற்றி) பேசியது.
9.அமைச்சர் என்.கே.கே.பி.ராஜா வின் ஆள்கடத்தல் விவகாரத்தில் ஈடுபட்டு பதவியை இழந்தது.
10.பா.ம.க குருவை கைது செய்தது.
11.வைகோ வை கைது செய்தது.
12. முக்கியமாக மின்வெட்டுப் பிரச்சனை.
13.தற்போது இலங்கைப் பிரச்சனையை கையாளும் விதம்.
14.டாக்டர் அம்பேத்கார் சட்டக் கல்லூரி பிரச்சனை.
15.அத்தியாவசய பொருட்களின் விண்ணை தொடும் விலைவாசி உயர்வு.
16.முக்கியமாக சட்ட ஒழுங்குப் பிரச்சனை ஒரு கேள்விக்குறியாக உள்ளது.

இது போன்ற நடவடிக்கைகளில் மக்களின் ஆதரவு நாளுக்கு நாள் தி.மு.க விற்க்கு குறைந்து கொண்டே வ்ரும் நிலையில்,விஜயகாந்தின் மீது மக்களின் கவனம் மாறி கனிசமாக செல்வாக்கு வளர்ந்து கொண்டு வரும் நிலையில் பா.ம.க வின் பச்சைக்கொடி காட்டபட்டதாலும் (கூட்டணிக்குள் தேமுதிக வருவதற்க்கு), ஏறக்குறைய இரண்டாம் கட்டத்தலைவர்கள் கூட்டணியைப் பற்றி திரைக்குப் பின்னால் தேமுதிகவுடன் பேசிவருவதாலும், இந்தக் கூட்டணி ஏறக்குறைய அமைய வாய்ப்பிருப்பதாக தோன்றுகிறது.

அதனால் தான் T. R. பாலு அவர்களின் மூலமாக தூது அனுப்பி பா.ம.க வை மீண்டும் இணைத்துக் கொள்ள கட்சித் தலைமை முடிவெடுத்துள்ளது.

ஆகவே வெகு சீக்கிரத்தில் காங்கிரஸ் தலைமையில் நாடளுமன்ற கூட்டணி அமையும் என்றே தெரிகிறது.

அப்படி நடந்தால் கலைஞரின் ஆட்சி கவிழ்ந்து மேற்சொன்ன கூட்டணியே சட்டமன்றத்தேர்தலிலும் எதிரொலிக்கும்.

காங்கிரஸின் கனவு நனவாகி, காங்கிரஸ் தலைமையில் ஆட்சி அமைய எனது வாழ்த்துக்களை இப்பொழுதே தெறிவித்துக் கொள்கிறேன்.

காட்டுமிராண்டித்தனத்தின் உச்சக்கட்டம் ! சென்னை டாக்டர் அம்பேத்கார் சட்டக்கல்லூரி மாணவர்களின் அராஜகங்கள் அட்டூழியங்கள் !

ஒருவரையொருவர் தாக்கி கொள்கிறார்கள் நான்கு சுவற்றுக்குள் அல்ல ஆயிரக்கனக்கான மக்கள் நடமாடும் அதுவும் உயர்நீதிமன்றம் இருக்கும் வளாகத்தின் பக்கத்தில் உள்ள கல்லுரி வாயிலில் ஒரு மாணவன் சகமாணவர்களால் கொலைவெறி தாக்குதல் நடத்தப்பட்டு அந்த மாணவன் மயங்கி விழுந்த பின்பும் கூட சக மாணவர்கள் அவனை சூழ்ந்து கொண்டு அடிக்கிறார்கள், அருகில் காவல் துறையினர் இருக்கிறார்கள், பத்திரிக்கைத் துறை நிருபர்கள் இருக்கிறார்கள் மக்கள் எல்லாம் கதறி காப்பாற்றுங்கள் என்று கூறிய பின்பும் கூட அதை தடுக்காமல் காவல் துறையினர் வேடிக்கை பர்த்துகொண்டிருந்தது ஏன்?

சட்டம் ஒழுங்கை காப்பாற்றபடும் காவல் துறையினறாலே கூட அதை தடுக்க முடியாமல் நிற்க்கிறார்கள் என்றால், ஏன் அவர்களுக்கு,

வேறு வேளை இருந்த காரணத்தால் அதை அவர்கள் தடுக்க வில்லையா?

இல்லை அவர்களுக்கு யாரவது லஞ்சம் கொடுத்தனால் கண்டுகொள்ளவில்லையா?

இல்லை அதை தடுக்கப் போனால் நாமும் தாக்குதலுக்கு ஆளாக நேரிடும் என்பதால் வேடிக்கைப் பார்த்தார்களா?

ஏன் அவர்களுக்கு சிறிதளவு கூட மனிதாபிமானம் இல்லையா?

சட்டக்கல்லுரி மாணவர்களின் பிரச்சினைகளில் தலையிட்டால் சட்டம் காவல்துறையினர் மீதே பாயும், ஏனென்றால் அவர்களெல்லாம் சட்டக்கல்லுரி மாணவர்கள், சட்டம் பயின்று கொண்டிருக்கும் மாணவர்கள்.

சட்டக்கல்லுரி மாணவர்களுக்கு மட்டும் என்ன தலையில் கொம்பா முளைத்திருக்கிறது, சட்டம் பயின்றால் அவர்கள் இஷ்டத்திற்க்கு என்ன வேண்டுமானாலும் செய்யலாமா!

ஆம் நீங்கள் செய்யலாம்! உங்களை யாரும் ஒன்றும் செய்து விட முடியாது உங்கள் பின்னால் நாங்கள் இருக்கிறோம் என்று அக்கல்லூரிகளி படித்த முன்னால் மாணவர்களும் இன்னால் வக்கீல்களும், சாதி சங்கத் தலைவர்களும் வரிஞ்சிக் கட்டிக்கொண்டு நிற்க்கிறார்கள்.

அம்பேத்க்கார் கல்லுரியில் தான் எல்லாம் தலைவிரித்து தாண்டவம் ஆடுகிறது. சட்டத்தைக் காப்பாற்ற அணி நிற்ப்பார்கள் என்றால்,இவர்களெல்லாம் புரட்சி செய்கிறோம் மேல் ஜாதியினருக்கு எதிராக கலகம் செய்கிறோம், மேல் ஜாதிகாரர்களின் ஆத்திக்கத்தை ஒழிக்கப் போராடுகிறோம்,என்கிற போர்வையில் வன்முறையை தூண்டி, ஜாதி கலவரத்தை தூண்ட நினைக்கிறார்க்ள். நான் தான் சட்டக் கல்லுரியில் கலகம் செய்தேன், நான் தான் அந்தப்போராட்டத்திற்க்கு தலைமை தாங்கினேன்,என்று கூறி தாழ்த்தப் பட்டவர்களின் தலைவன் என்று ஏதாவது கட்சியில் பதவியை வங்கிக்கொண்டும் இல்லை ஒரு கட்சியை ஆரம்பித்துக் கொண்டும் அரசியல் தலைவர்கள் ஆகிவிடலாம் என்று நினைத்து அவர்கள் அவ்வாரு நடந்து கொள்கிறார்கள்.

நான் சொல்கிறேன் நீங்கள் கலகம் செய்யுங்கள் தாழ்த்ப்பட்டவர்களெல்ல்லாம் நன்றாக படியுங்கள் படித்தால் தான் எதிர்காலம் நமது கைகளில் வருமென்று !

போராடுங்கள் கல்விக்கு ஆகும் செலவை மானியமாகத், நல்ல தரமான மற்றும் சர்வதேச தரத்திற்க்கு கல்வியை தாருங்களென்று !

தலைமைத்தாங்குங்கள் எங்கெல்லாம் சமத்துவத்திறக்கு எதிராக நடக்கும் அநீதிகளை தட்டிக் கேட்கும் அறப்போராட்டித்திற்க்கு !

அப்படி வந்தவர்தான் டாக்டர் அம்பேத்க்கார் அவர்கள். அவருடைய பெயரை வைத்துள்ள கல்லுரியில் படித்துக் கொண்டு காட்டுமிராண்டிதனமாக,ரௌவுடித்தனமாக, அராஜகத்தில் ஈடுபடுவது மாபெரும் கண்டனத்திற்க்குரிய ம்ன்னிக்க முடியாத குற்றமாகும்.

சட்டத்தை மதிக்கப்படுபவர்களே அதை மிதிக்கும் போது, சட்டக் கல்லூரி மாணவர்களை அடக்கும் விதமாக, ஒழுக்கத்தை போதிக்கும் விதமாக, மற்றக் கல்லூரி மாணவர்களை போல் நடக்கும் விதமாகசில சட்டத் திருத்தங்களை கொண்டுவர நடவடிக்கை எடுக்க வேண்டும் BAR Council .

கல்லூரிகளில் படிக்கும் காலங்களில் எந்த ஒரு ஒழுக்கக் கேடான நடவடிக்கைகளில் ஈடு பட்டாலோ அல்லது கலவரத்தை தூண்டும் விதமாகப் பேசினாலோ அல்லது
ரௌடித்தனமாக நடந்தாலோ அல்லது எந்த ஒரு கட்சியுடன் தொடர்பிருந்தாலோ அல்லது எந்த போலிஸ் ஸ்டேசனில் அவர்களுக்கெதிராக கேஸ் இருந்தாலோ அல்லது
பதிவாகி இருந்தாலோ கூட BAR Council லில் உருப்பினராக முடியாது என்ற ஒரு சில நடவடிக்கைகளை எடுத்தால் ஒழிய சட்டக்கல்லூரி மாணவர்களைக் கட்டுப்படுத்த முடியாது.

சச்சினின் புதிய உலகசாதனை

Sachin world Record

பார்த்து மகிழுங்கள்.

மேலும் அதிக ரன்கள் குவிக்க எனது வாழ்த்துக்கள்.

கலைஞரின் கபட நாடகமும் ! கனிமொழியின் கதாபாத்திரமும் ! அம்மாவின் வெகுளித்தனமும் !

கலைஞரின் கபட நாடகம் நாடறிந்த விஷயமாயிற்று என்று அம்மா வெகுளித்தனமாக சொல்கிறார்.

அம்மாவின் கேள்வி கணைகள்.

1. இலங்கையில் தற்போது நடக்கும் உள்நாட்டுப் போரை நிறுத்தும் அதிகாரம் இந்திய அரசிடம் இல்லை என்பதை, ஐந்து முறை முதல்வரான கருணாநிதி புரிந்து கொள்ளாதது விந்தை.

கலைஞர் பதில் - இதெல்லாம் எனக்கு தெறியும்.

2. இலங்கை உள்நாட்டு விஷயத்தில் இந்திய அரசு தலையிட்டால், நம் நாட்டு உள் விவகாரத்தில் அண்டை நாடுகள் தலையிட வாய்ப்பு ஏற்படும். "இலங்கை ராணுவத்துக்கு இந்திய ராணுவம் பயிற்சி அளிப்பதை உடனே நிறுத்த வேண்டும், அப்பாவி இலங்கைத் தமிழர்கள் மீது தொடுக்கப்படும் ராணுவ தாக்குதல் உடனே நிறுத்தப்பட வேண்டும்' என்பது தான் தற்போதுள்ள முக்கிய பிரச்னை.

கலைஞர் பதில் - இதுவும் எனக்கு தெறியும்.

3. லோக்சபா உறுப்பினர்களின் பதவிக்காலம் இன்னும் ஆறு மாதங்களில் முடிவடைய உள்ளது. மத்திய அமைச்சர்களைப் பற்றி தீர்மானத்தில் சேர்க்கவில்லை. மாநில அரசே பதவி விலகும் என கருணாநிதி ஏன் அறிவிக்கவில்லை?மாநில அரசுக்கு இன்னும் இரண்டரை ஆண்டு காலம் பதவிக்காலம் இருப்பதால், அதைப் பற்றி தீர்மானத்தில் ஒரு வார்த்தை கூட குறிப்பிடவில்லை.

கலைஞர் பதில் - நான் ராஜினாமா செய்தால் மக்கள் நிம்மதியாகிவிடுவார்களே !.

4.உண்மையிலேயே கனிமொழிக்கு இலங்கைத் தமிழர்கள் மீது அக்கறை இருக்குமானால்,
ராஜ்யசபா தலைவரிடம் தன் ராஜினாமா கடிதத்தை இன்றைய தேதியிட்டு கொடுத்திருக்க வேண்டும்.

கலைஞர். பதில் - என்னுடைய நாடகத்தில் நடிக்கும் போது அவளொரு நடிகை மட்டுமே.
என்ன இதுகூடபுரியாமல் அம்மா அறிக்கை விடறாங்க, நாடகத்தில் சாவதைப் போல்
ஒரு சீன் இருந்தால் அவனென்ன உண்மையாகவா இறந்து போவான்.

5.உண்மையிலேயே கருணாநிதிக்கு இலங்கைத் தமிழர்கள் மீது அக்கறை இருக்குமானால்,
மத்திய மந்திரி சபையில் இருந்து தி.மு.க.,வைச் சேர்ந்த அனைத்து அமைச்சர்களும் உடனே பதவி விலக வேண்டும். மத்திய அரசுக்கு கொடுத்து வரும் ஆதரவை, அனைத்து எம்.பி.,க்களும் திரும்பப் பெற வேண்டும். தி.மு.க., அரசும், தமிழகத்தில் தனது ஆட்சி அதிகாரத்தை தூக்கி எறிய முன்வர வேண்டும்.

கலைஞர். பதில் - அய்யோ அய்யோ இந்த உலகம் இன்னுமா என்னை நம்புது.

கலைஞர் ஏன் இவ்வளவு காலம் மௌனம் சாதித்தார் என்பது ஏன் என்று தெறியாமல் இவர் இலங்கைத்தமிழர்களுக்காத்தான் குரல் கொடுக்கிறார் என்றும், விடுதலைப் புலிகளுக்கு ஆதரவாக பேசுகிறார் என்றும் சொல்கிறார். ஆனால் உண்மை அதுவல்ல மக்களை திசைதிருப்பும் குடும்ப நாடகம் மின்வெட்டு பிரச்சினை,அமைச்சர்களின் கட்டப் பஞ்சாயத்து பிரச்சினை, மணல் திருட்டு, அரசிகடத்தல் போன்ற பிரச்சினைகளால் மக்கள் தி.மு.க அரசின் மீது மிகுந்த கோபத்தில் இருக்கும் போது எப்படி அவர்களை திசையை மாற்றலாம் என்றெண்ணும் போதுதான் கலைஞருக்கு தோன்றிய நாடகம், எல்லாக் கட்சிகளும் இலங்கைத் தமிழர்களுக்காக களத்தில் இறங்கி போராடிக்கொண்டிருக்கும் போது.தானும் ஏதாவது செய்து போராடுவதைப் போல அரசியல் stunt அடிச்சி, குடும்ப நாடகத்தை அரங்கேற்றி விட்டார்.

கனிமொழி நாடகத்தில் முதல் மதிப்பெண் பெற்று முன்னிலை வகிக்கிறார்.(தாய் எட்டடி பாய்ந்தால் குட்டி பதிணாரடி பாயும்)என்பதை நிருபித்து தன் அப்பா இயற்றிய நாடகத்தில் கதாபாத்திரத்தை உள்வாங்கி நடித்துள்ளார்.

இரண்டு வாரகாலத்தில் போர் நிருத்தத்தை அறிவிக்க மத்திய அரசு இலங்கைக்கு நிர்பந்த்திக்க வேண்டும் இல்லாவிட்டால் தமிழக M.P க்கள் பதவி விலகுவார்கள் என்று சொன்னவர், தமிழக அரசு ராஜினாமா செய்யும் என்று ஏன் அறிவிக்கவில்லை.ஏனென்றால் பதவி ஆசை, இன்னும் நிறைய சம்பாத்திக்கவேண்டுமென்ற வெறி.

கலைஞரின் குடும்பம் அரசியலைவிட்டு ஒதுங்கியிருந்தால் போதும் தமிழ்நாடு எல்லாவித்ததிலும் முன்னேற்றமடையும் என்பது அனைவரின் ஒருமித்தக் கருத்தாக இப்பொழுது அமைந்துவிட்டது.

அமெரிக்காவில் ஏற்பட்ட வீழ்ச்சி ஏன்? நடந்தது தான் என்ன?

கடந்த 15 நாட்களாக பங்குச்சந்தை பற்றிப் பேசாதவர்கள் எவரும் இருக்கமுடியாது. காரணம், சிறிய அளவு சேமிப்பையும் முதலீடாக்கிய ஒரு சாதாரண நபரும் இந்த சந்தை வீழ்ச்சியில் பாதிக்கப்பட்டிருக்கிறார்.கடந்த இரு ஆண்டுகளில் பங்குச்சந்தையில் முதலீடு என்பது ரேஸ் குதிரைப் பந்தயத்தில் முதலீடு போல பெரிதாகப் பேசப்பட்ட விஷயம்.


பங்குச்சந்தை குறியீட்டெண் 10 ஆயிரத்தை தாண்டியபின் மடமட வென அதிகரித்து, 15 ஆயிரத்தை தாண்டியதும், அதில் முதலீடு செய்யாமல், வங்கி நிரந்தர வைப்பில் பணத்தைச் சேமித்தவர்கள் அப்பாவிகளாகக் கூட காணப்பட்டனர்.இன்று பங்குகள், பங்குச்சந்தையின் செயல்கள், முதலீட்டில் அதன் தாக்கம் ஆகியவை பற்றி அறிந்தவர்களை விட அறியாத பலரும் ஆர்வத்தில் முதலீடு செய்துவிட்டு, தற்போதைய சந்தையின் அதலபாதாள வீழ்ச்சியில் குன்றிப் போய் இருக்கின்றனர்.


இந்நிலைக்கு அமெரிக்காவின் போக்கே காரணம். வீடுகளின் விலை தொடர்ந்து அதிகரிக்கும் என்ற கருத்தை நோக்கி செயல்படும் பொருளாதாரத்தை அங்கே ஊக்குவித்தனர். தவிரவும், எல்லாவற்றையும் நுகரும் கலாசாரம் என்ற நிலையில் மூன்றாண்டுகளுக்கு முன் வாங்கிய வீடுகள் தற்போது மும்மடங்கு வரை விலை அதிகரித்தது.இந்த வீட்டு வசதிக்காக வங்கிகள் கடன் தரும் நடைமுறையில் அமெரிக்கா பின்பற்றிய அணுகுமுறை பெரிய ஆபத்தை உலகம் முழுவதும் கொண்டு வந்து விட்டிருக்கிறது.


கடன் பெற்றவர்கள் : ஏதோ லேமென் வங்கி வீழ்ச்சி என்று ஆரம்பித்த கதை, 70 ஆயிரம் கோடி டாலரை அரசு தரமுன்வந்தும் அமெரிக்க நிலைமையை மோசமாக்கியிருக்கிறது.உதாரணமாகச் சொன்னால், மூன்றாண்டுகளுக்கு முன் ஒரு லட்சம் டாலரில் ஒரு வீடு (அன்று அதன் இந்திய மதிப்பு ரூ.45 லட்சம்) வாங்கினால், அமெரிக்காவில் அதற்குப் பெரிய ஆதாரம் ஒன்றும் கேட்காமல் கடன் தந்துவிடும் வங்கி.முகவரிக்கான அத்தாட்சி கூட இல்லாமல் கடன் பெற்றவர்கள் உண்டு. கிரெடிட் கார்டு கலாசார வேகம் அப்படி. வீடு வாங்கினால் அது அதிகவிலைக்கு எதிர்காலத்தில் விற்கப்படும் என்ற கருத்தில், அமெரிக்காவில் வீடு வாங்கும் மோகம் அதிகரித்தது. அந்தக் கடன்பத்திரங்களை அப்படியே அமெரிக்க வங்கிகள்,


"அதிக லாபம் தரும் கடன் உதவி வசதிகள்' என்று கவர்ச்சிகரமாகப் பெயரிட்டு மற்ற நிதி நிறுவனங்களுக்கு விற்றன.இதில் திவாலான அமெரிக்க நிதிநிறுவனம் லேமென் வாங்கிக்குவித்த கடன்பத்திரங்கள் ஏராளம். இந்தக் கடன் பத்திரங்கள் பல்வேறு வங்கிகளுக்குக் கைமாறி, அதற்கு கமிஷன் பெற்றவர்கள் ஏராளம். நீர்க்குமிழி போல இந்த வர்த்தகம் உலகெங்கும் வங்கிகளிடம் பரவியது.ஆனால், கடந்த ஆண்டு வீட்டு விலை இறங்கத் தொடங்கியது. தவணை கட்ட வேண்டியவர்கள் படுத்து விட்டனர்.


நிறைய வீடுகளை விற்க முன்வந்தனர், கிடைத்த விலைக்கு விற்று லாபம் பார்க்க முயன்றனர். ஆனால், வாங்குவதில் அதிக வேகம் இல்லை.அதேசமயம், அதிகலாபத்தில் இந்தப் பத்திரங்களை விலைக்கு வாங்குவதை லேமென் முதலிய நிறுவனங்கள் நிறுத்திக் கொண்டன. அதிக லாபம் கிடைக்கும் என்று எதிர்பார்த்த வங்கிகள் நிதிப்புழக்கம் இன்றி முடங்கின. பத்திரங்களைப் பெற்று கணிசமான வட்டிக்குப் பணம் தரும் வங்கிகளின் சாமர்த்தியம் முடிவுக்கு வந்தது. தங்களிடம் உள்ள ஆஸ்திமதிப்பு குறைந்ததும் ஒரு வங்கி மற்றொரு வங்கியிடம் தனக்குச் சேர வேண்டிய பணத்தைக் கேட்டு வழக்குகள் தொடர்ந்தன.


அமெரிக்கா மட்டும் அல்ல, ஐரோப்பிய நாடுகளிலும் வங்கிகள் தடுமாறின. இது ஆசியாவுக்கும் பரவி இந்தியாவிலும் பாதிப்பை ஏற்படுத்தியிருக்கிறது. இந்த "சப்பிரைம்' பிரச்னை இன்று உலகையே நிம்மதியில்லாமால் ஆக்கி விட்டது.முடிவில் 70 ஆயிரம் கோடி டாலரை அமெரிக்க அரசு தர வேண்டியதாயிற்று; உழைத்துச் சேமித்தவர்கள் பணத்தை அழித்து விட்டது. பொதுவாக ஒருவர் கடன் பெற்று வீடு வாங்கினால் அது சொத்து அல்ல; பொருளாதார சுமை. அதே போல கிரெடிட் கார்டில் மளிகைச் சமான்கள் வாங்கினால் அது சுமை; சுகம் அல்ல.


ஒரு பக்கம் அச்சம். மறுபக்கம் பேராசை : பணக்காரர்கள் தங்கள் பணத்தை வங்கியில் வைத்திருக்க மாட்டார் கள், அதைப் பெருக்கு வழிகாண் பார்கள். மாறாக, ஸ்டாக் புரோக்கரிடம் போனில் பேசி பங்குகள் வாங்கினால் அது பணமரமாகக் காய்க்கும் என்றால் அவ்வளவு தான்! அந்தப்பாடத்தை இப்போது அமெரிக்க அனுபவத்துடன் பலரும் கற்று வருகின்றனர். நல்ல வேளையாக, "சப்பிரைம்' நடைமுறையை இந்தியாவில் பின்பற்றவில்லை.இன்று பங்குச்சந்தை அதலபாதளத்தில் நிற்கிறது. இதற்குக் காரணம் ஒரு பக்கம் அச்சம். மறுபக்கம் பேராசையால் ஏற்பட்ட பீதி


தீபாவளி கொண்டாடுவேன்' : மும்பை ஸ்டாக் புரோக்கர் ஜுன்ஜுன்வாலா வெளிப்படையாக, "பங்குச்சந்தையில் 20 ஆயிரம் வரை புள்ளிகள் உயரும் என்று நான் கணிக்கவில்லை, ஆபத்தில்லா முதலீடு செய்தவர்கள் நன்றாக வரும் தீபாவளியைக் கொண்டாடுவார்கள், "மேலும் தீபாவளிக்கும், பங்குச்சந்தை ஏற்ற, இறக்கத்திற்கும் ஏதோ தொடர்பு இருப்பது போல, பேச வேண்டாம். நான் நன்றாகவே வழக்கப்படி தீபாவளி கொண்டாடுவேன்' என்கிறார். அப்படி எத்தனை ஸ்டாக் புரோக்கர்கள் இனிக் கூறப்போகிறார்கள் என்பது கேள்வி தான்.


நெம்புகோல் தத்துவம்: 150 சதவீத லாபம் எப்படி வரும்?: அமெரிக்காவில், 2003ம் ஆண்டு வட்டிவீதம் 1 சதவீதம் என்று ஏற்பட்டதிலிருந்து வீட்டுக்கடன் என்பதில் வந்த பல்வேறு நடைமுறைகள் இன்று அமெரிக்க, ஐரோப்பிய வங்கி நிறுவனங்களைக் கலக்குகின்றன.ஏதோ ஆதாயம் வரும் என்று எண்ணி, கையில் இருக்கும் மூலதனத்தை இழப்பது சரியல்ல; ஆனால், கையில் மூலதனமே இல்லாமல் நடக்கும் பரிவர்த்தனைகள், அதற்கான நடைமுறைகள் இப்போது உலகம் முழுவதும் எல்லாரையும் அச்சப்பட வைத்து விட்டது. ஒரு சிறிய உந்து சக்தியை வைத்து பெரிய பாறாங்கல்லைக் கூடப் புரட்டலாம் என்பது நெம்புகோல் தத்துவம், இது இயற்பியலில் உள்ளது


ஒருவர் 1,000 ரூபாயை சேமிப்பில் போட்டு ஆண்டுக்கு 15 சதவீத வட்டி என்றால், அது ஆண்டு முடிவில் 1,150 ரூபாயாக உயரும். ஆனால், கையில் 1,000 ரூபாயை வைத்துக்கொண்டு மேலும், 9,000 ரூபாய் கடன் வாங்கி பின் மொத்தமாக, 10 ஆயிரம் ரூபாயை முதலீடு செய்தால் எப்படி? அந்த முதலீட்டிற்கு ஆண்டு இறுதியில் வட்டி 15 சதவீதக் கணக்கில் பார்த்தால், அசலுடன் சேர்த்து 11 ஆயிரத்து 500 ரூபாய் கிடைக்கும்.பணம் வாங்கியது உறவினரிடம் என்றால், வாங்கிய அசலை மட்டும் திரும்பக் கொடுத்துவிட்டால், எந்தவித முயற்சியும் இன்றி 2,500 ரூபாய் கிடைக்கிறது. அதில் முதலில் கையில் வைத்திருந்த அசல் 1,000 ரூபாய் மட்டுமே என்பதை நினைத்தால் ஆச்சரியம் அல்லவா? அப்போது 1,000 ரூபாய்க்குக் கிடைத்தது 1,500 ரூபாயா? நினைத்தால் மலைப்பாக இருக்கும். இது, 150 சதவீத லாபம்.இப்படி லாபம் கிடைக்காமல் 15 சதவீத வட்டியும் காற்றில் பறந்து விடுகிறது என்றால், அந்த நிலையில் கிடைப்பது 8,500 ரூபாய் மட்டுமே.


உறவினரிடம் வாங்கிய 9,000 ரூபாயிலும் 500 இழப்பாகி விடுகிறது. கையில் வைத்திருந்த 1,000 ரூபாய் கிடைக்காமல் போய்விட்டது. இப்படித்தான், "சப்பிரைம்' கடன் பத்திரங்கள் லாபம் கிடைக்கும் என்று பல்வேறு முதலீடுகளாக மாறி இன்று, "வால்ஸ்டிரீட் மட்டும் அல்ல, உலகையே கலக்குகிறது. இதில் ஒரு நல்ல அம்சம். இந்தியாவில் உள்ள வங்கி ஏதும் இந்த நிதிச்சுழலில் சிக்காததால், அதில் சேமிக்கப்பட்ட டிபாசிட்டுகளுக்கு ஆபத்து இல்லை