காங்கிரஸ் (தோல்வி) கர்நாடகத்தில்

காங்கிரஸ் தோல்வி?! கர்நாடகத்தில் உண்மையில் நடந்ததென்ன?



தோற்றார்களா ! தோற்கடிக்கப்பட்டார்களா !

முந்தைய தேர்தல் முடிவுகள்

பா.ஜ.க - 79

காங் - 65

ஜன - 58

மற்றவை - 22

இன்றைய தேர்தல் முடிவுகள்

பா.ஜ.க - 110

காங் - 80

ஜன - 28

மற்றவை - 6

பா.ஜ.க வுக்கு முதல் முறையாக எப்படியாவது ஆட்சியை அமைக்கவேண்டும் எனகி்ற தீவிரமோ கர்நாடகத்தை கைப்பற்றவேண்டும் என்ற வெறியோ?! எப்படி வேண்டுமானாலும் சொல்லலாம்.
மக்களின் கவனமெல்லாம் அவர்களின் பக்கமே இருக்குமாறு பார்த்துக்கொண்டார்கள்.
மதச்சார்பற்ற ஜனதா தளம் ஆட்சியை ஒப்படைக்க மறுத்த கணத்திலிருந்து தேர்தல் முடிவுகள் வெளியாகும் கணம் வரை இதை அவர்கள் கவனமாகக் கையாண்டார்கள்.
உதாரணத்துக்கு ஒகேனக்கல் பிரச்னையைக் கையாண்டவிதம். மேலும், முன்னாள் முதலமைச்சர் குமாரசாமி மீதான ஊழல் குற்றச்சாட்டு, ஜனதா தளத்தின் குடும்ப அரசியல், வெளிப்படையான தேவகவுடாவின் சுயநலமிக்க அரசியல், கொள்கையில்லா அரசியல் நோக்கு, வாக்குறுதிகள்... இவற்றையெல்லாம் பா.ஜ.க தனக்குச் சாதகமாகப் பயன்படுத்திக்கொண்டது.

ஆனால் காங்கிரஸோ, இதைப் பயன்படுத்தத் தவறிவிட்டது, காங்கிரஸின் உள்கட்சிப் பூசலையும், முதல்வர் பெயரை அறிவிக்காத ஒரு தேர்தலையும் கீழ்த்தட்டு மக்கள் ஏற்காததுதான் காங்கிரஸின் தோல்விக்கு முக்கியக் காரணம்.


ஆதலால் அவர்கள் தோற்கடிக்கப்படவில்லை, தோற்றுத்தான் போனார்கள்


காங்கிரஸார் இதை ஒரு பாடமாக எடுத்துக்கொண்டு வேற்றுமையை மறந்து ஒன்றுபட்டு நாடாளுமன்றத் தேர்தலை சந்திக்கத் தயாராகவேண்டும்.

எந்த நாட்டுக்கும் சளைத்தது அல்ல இந்தியாவின் வேளாண்மைத் திறன்

"இந்தியா பல நூற்றாண்டுகளாக ஒரு ஏழை நாடாகவே இருந்திருக்கிறது' என்று மத்திய நிதியமைச்சர், குறிப் பிட்டுள்ளார். இப்படி பல அரசியல் தலைவர்கள் அடிக்கடி பேசி வருகின்றனர். இதற்கு ஆதாரம் என்னவென்று அவர்கள் யாருமே குறிப்பிடாததால், இந்தக் கருத்து எல்லா படித்தவர்கள் மத்தியிலும் பரவலாக இருப்பதாகக் கொள்ளலாம். ஆனால், நமது வரலாற்றை அலசி பார்க்கும்போது, இந்தக் கூற்று முற்றிலும் அபத்தமானது என்றே தோன்றுகிறது. இந்தியா மிக செழிப்புள்ள, செல்வம் மிகுந்த நாடாகவே ஆங்கிலேயர்கள் ஆட்சி வரையில் காணப்பட்டது என்பதற்கு பல வரலாற்றுச் சான்றுகள் இருக்கின்றன. இந்திய சமுதாயத்தின் வேளாண்மைத் திறன் பற்றிய சில புள்ளி விவரங்களைப் பார்ப்போம்.


பதினெட்டாம் நூற்றாண்டின், செங்கல்பட்டு ஆய்வு பதிவுகள் சித்தரிப்பது ஒரு அமோகமான தானிய உற்பத்தியுடைய சமுதாயத்தையே. ஆய்வுப் பதிவுகள் அளிக்கும் விவரங்களின் வாயிலாக, கிட்டத்தட்ட இரண்டு லட்சம் காணி விளைச்சல் நிலத்தில் உற்பத்தியை மதிப்பீடு செய்ய முடிகிறது. இம்மதிப்பீட்டின்படி, 1762 முதல் 1766 வரையிலான ஐந்தாண்டுகளில் இந்த இரண்டு லட்சம் காணி நிலங்களில் ஆண்டு ஒன்றுக்கு, கிட்டத்தட்ட 20 லட்சம் கலம் நெல் மற்றும் இதர தானிய வகைகள் உற்பத்தியாயின.


செங்கல்பட்டின், அக்காலத்து ஒரு காணி கிட்டத்தட்ட இன்றைய அரை எக்டேருக்கு சமம். ஒரு கலம் என்பது, கிட்டத்தட்ட 125 கிலோ நெல்லுக்கு சமம். இப்பகுதியில், அக்காலத்தில் கிட்டத்தட்ட 46,000 குடும்பங்கள் வசித்து வந்ததாக ஆவணங்கள் தெரிவிக்கின்றன. ஆக, 18ம் நூற்றாண்டில் செங்கல்பட்டு பகுதியில், நிலத்தின் மொத்த விளைச்சல் வீடு ஒன்றுக்கு, ஒரு ஆண்டுக்கு கிட்டத்தட்ட 5.5 டன் என்று உணர முடிகிறது. மேலும், அப்போதைய செங்கல்பட்டு பகுதியில் ஒரு வீட்டுக்கு, நான்கு அல்லது ஐந்து உறுப்பினர்கள் இருந்தனர் என்பதையும் கணக்கில் கொண்டால், அப்பகுதியில் ஆள் ஒருவருக்கு, ஆண்டு ஒன்றுக்கு ஒரு டன்னுக்கும் அதிகமான உணவு உற்பத்தி இருந்ததாகக் கொள்ளலாம். எனவே, தற்போதைய தரத்தில் மட்டுமல்ல, உலகின் செல்வம் கொழிக்கும் நாடுகளின் பார்வையில் கூட, 18ம் நூற்றாண்டின் செங்கல்பட்டு பகுதியின் விளைச்சலும், மக்களின் நுகர்வளவும் மிக உயர்ந்தனவாக விளங்கியது.


ஆனால், 18ம் நூற்றாண்டில் செங்கல்பட்டு பகுதியின் விளை நிலங்களின் உற்பத்தித்திறன் மிக உயர்ந்தது என கூற முடியாது. காணிக்கு பத்து கலம் அல்லது, எக்டேருக்கு 2.5 டன் அளவிலான சராசரி உற்பத்தி திறன் தற்கால உற்பத்தி திறனை விட உயர்ந்தது. ஆனால், இந்தியாவின் மண்வளம் இதைவிட மிக அமோகமான விளைச்சலை அளித்து வந்துள்ளதற்கு, பல்வேறு சரித்திர சான்றுகள் உள்ளன. கி.பி. 900 - 1200க்கு உட்பட்ட தஞ்சாவூர் பகுதியின் சாசனங்கள் மூலமாக, அப்பகுதியின் உற்பத்தித் திறன் வேலிக்கு 600ல் இருந்து 720க்குள்ளதான தஞ்சாவூர் கலங்கள் அல்லது ஒரு எக்டேருக்கு 15ல் இருந்து 18 டன்கள் என்று மதிப்பிடப்படுகிறது. கி.பி. 1100ன் ஒரு சாசனம், தென் ஆற்காடு பகுதியில் வேலிக்கு 580 கலங்கள் அதாவது ஒரு எக்டேருக்கு 16.5 டன் நெல் உற்பத்தியைப் பற்றி கூறுகிறது. தவிர, ராமநாதபுரம் பகுதியை சேர்ந்த கி.பி.1325ம் ஆண்டின் சாசனம் ஒன்று வேலிக்கு 800 கலங்கள் அதாவது எக்டேருக்கு 20 டன் வரையிலான மிக உயர்ந்த நெல் உற்பத்தியைப் பற்றி குறிப்பிடுகிறது.


பிரிட்டிஷ் ஆட்சியின் தொடக்க காலத்தின் குறிப்புகளும், இந்தியாவின் பல்வேறு பகுதிகள் உயர்ந்த உற்பத்தித் திறனைக் கொண்டு விளங்கியதை உறுதிபடுத்துகின்றன. 1803ல் அலகாபாத் பகுதியைப் பற்றிக் கூறும் ஒரு ஐரோப்பியர், அங்கு ஆண்டிற்கு, ஒரு எக்டேருக்கு 7.5 டன் தானிய உற்பத்தியை பற்றி கூறுகிறார்.


கோயம்புத்தூரில் 1807ம் ஆண்டில் காணப்பட்ட, எக்டேருக்கு 13 டன் அளவிலான நெல் உற்பத்தித் திறனைப் பற்றி அப்பகுதியின் பிரிட்டிஷ் அதிகாரியின் அறிக்கை தெரிவிக்கிறது.


பதினெட்டாம் நூற்றாண்டில், செங்கல்பட்டிலும் கூட செழிப்பான விளைச்சல் நிலங்கள் அப்பகுதியின் சராசரி உற்பத்தித் திறனான காணிக்கு 10 கலம் அல்லது எக்டேருக்கு 2.5 டன் என்பதை விட மிக உயர்ந்த உற்பத்தித் திறனை பெற்றிருந்தன.


அப்பகுதியின் மிக செழிப்பான நிலங்கள் காணிக்கு 35 கலங்கள், அதாவது எக்டேருக்கு 9 டன், அளவிலான உற்பத்தித் திறனைக் கொண்டிருந்தன. மேலும், சிறப்பான வேளாண்மையில் ஈடுபட்டு 5000 கலத்தை விட அதிகமான மொத்த உற்பத்தி கொண்டிருந்த 63 கிராமங்களின் சராசரி உற்பத்தித் திறன் காணி ஒன்றுக்கு 18 கலமாக, எக்டேருக்கு 4.5 டன்னாக விளங்கியது.


இந்த 63 கிராமங்கள், ஆய்வுக்குட்பட்ட செங்கல் பட்டு பகுதியின் மொத்த விளைச்சல், நிலத்தின் வெறும் ஆறில் ஒரு பங்கு நிலத்தில் மொத்த உற்பத்தியில் மூன்றில் ஒரு பங்கை உண்டாக்கின.


இப்படி அமோகமான விளைச்சல் எப்படி சாத்தியமானது? சில அறிஞர்கள் இதை இவ்வாறு விளக்குகிறார்கள். ஜனத்தொகை அதிகமில்லாததால், மண்வளம் மிக அதிகமாக உள்ள நிலங்களில் மட்டும் விவசாயம் மேற்கொள்ளப்பட்டது என்று. இது உண்மையாகவே இருக்கலாம். ஆனால், 17 - 19வது நூற்றாண்டுகளில் உலகத்தில் எல்லா நாடுகளிலும் இதே நிலைமை இருந்திருக்க வேண்டும். ஆனால், 18 - 19ம் நூற்றாண்டுகளில் இந்தியாவின் உற்பத்தித் திறன் இங்கிலாந்தின் உற்பத்தித் திறனை விட அதிகமாக இருந்தது என்று வரலாற்று ஆசிரியர்கள் கூறுகின்றனர். 1840க்குப் பிறகு, இங்கிலாந்து விவசாயிகள் ரசாயன உரங்களை அதிகமாக பயன்படுத்தத் துவங்கினர். ஆயினும், இந்திய விவசாயிகளின் இயற்கை வழி விவசாயத்தின் உற்பத்தித் திறன் இங்கிலாந்தை விட அதிகமாகத்தான் இருந்தது.


ஆக, இந்திய விவசாயத்தின் உற்பத்தித் திறனானது மண்வளத்தை மட்டும் ஆதாரமாகக் கொண்டு இருக்கவில்லை. விவசாயத்தில் பயன்படுத்தப்பட்ட தொழில்நுட்பமும் இதற்கு ஒரு காரணமாக இருந்தது. 18ம் நூற்றாண்டில் பாரதத்தில், பயணம் செய்த மேற்கத்தியர் பலர் விவசாய தொழில் நுட்பத்தின் சிறப்புக்களை பற்றி எடுத்துரைத்துள்ளனர். அதன் முக்கிய அம்சங்கள் கீழ்வருமாறு:


* ஒவ்வொரு தானியத்திற்கும், எண்ணற்ற விதை வகைகள் பயன்படுத்தப்பட்டன.


* விவசாயக் கருவிகள் திறன் வாய்ந்தவையாகவும், எளிமையாகவும் இருந்தன.


* விவசாயிகள் மிகுந்த உன்னிப்புடன் பயிரையும், நிலத்தையும் பராமரித்தனர்.


அலெக்சாண்டர் வாக்கர் என்ற ஆங்கில அதிகாரி (1780-1810) கேரளத்தின் மலபார் பகுதியில் மட்டும், 50க்கும் மேற்பட்ட நெல் வகைகள் பயிரிடப்பட்டன என்று குறிப்பிட்டுள்ளார். இந்தியாவில் லட்சத்துக்கும் மேற்பட்ட நெல் வகைகள் பயிரிடப்பட்டன என்பது குறிப்பிடத்தக்கது. விவசாயிகள் பல வகையான தானியங்களையும், ஒவ்வொரு தானியத்தின் பல்வேறு வகைகளையும், பருவத்திற்கும், மண்வளம், நீர்வளம் இவற்றிற்கு ஏற்றார்போல் பயன்படுத்தி உலகெங்கும் காணாத வகையில் விவசாய சாதனைகளை படைத்துள்ளனர்.


அலெக்சாண்டர் வாக்கர், பாரதத்தில் விவசாயிகள் பயன்படுத்திய பல விவசாயக் கருவிகளை பற்றியும் விளக்கியுள்ளார்.


விதை, மண்வளம் இவற்றிற்கு ஏற்றார்போல் பலவிதமான ஏர்கள் பயன்படுத்தப்பட்டன. 1795ல் கேப்டன் ஹால்காட் என்ற ஆங்கிலேயர், கொலுக்கலப்பை என்ற ஏர் (ஈணூடிடூடூ கடூணிதஞ்ட) தென் இந்தியாவில் பயன்படுத்தப்படுவதைக் கண்டு அதிர்ச்சி அடைந்தார். (இந்தக் கலப்பை இன்றைக்கும் சென்னையை அடுத்த திருப்பெரும்புதூர் பகுதியில் பயன்படுத்தப் படுவதைப் பார்க்கலாம்.) அதுவரையிலும், இந்தக் கலப்பை ஐரோப்பியர்களால் கண்டுபிடிக்கப்பட்டது என்றே எண்ணப்பட்டது.


ஆனால், பல நூற்றாண்டுகளாக இந்தியாவில் இந்தக் கலப்பை பயன்படுத்தப்பட்டதாகவும், இது ஐரோப்பாவில் அப்போது பயனில் இருந்த கலப்பையைக் காட்டிலும் சிறந்தது என்றும் கேப்டன் ஹால்காட் எண்ணினார். அவர் இந்தியாவில், பயன்படுத்தப்பட்ட பலவிதமான கலப்பைகளின் மாதிரிகளை ஆராய்ச்சிக்காக இங்கிலாந்திற்கு அனுப்பி வைத்தார்.


இந்திய விவசாயிகள், அவர்களின் பயிர்களிடத்தில் காட்டிய கவனம் மிக புகழ்வாய்ந்தது. அலெக்சாண்டர் வாக்கர், குஜராத்தின் விவசாய நிலத்தின் தூய்மையைப் பார்த்து ஆச்சரியத்துடன், இதுபோல் ஒரு தூய்மையை உலகத்தில் வேறு எங்குமே காணமுடியாது என கூறினார். தானும் கன்னியாகுமரி முதல் குஜராத் வரை மேற்கொண்ட பயணங்களில், விவசாயிகள் பயன்படுத்திய தொழில்நுட்பம் மிகவும் வியக்கத்தக்கதாக உள்ளது என்றார்.


இத்தகைய விவசாய தொழில்நுட்பத்தைப் பயன்படுத்தி, இந்திய விவசாயிகள் மிக அமோகமான உற்பத்தியை கண்டனர். அன்று விவசாயிகள் நிலத்தை பயன்படுத்திய முறையும், அறிவியல் சார்ந்ததாக இருந்தது. எடுத்துக்காட்டாக, செங்கல்பட்டு மாவட்டத்தில் 18ம் நூற்றாண்டில், விளைச்சல் நிலம் 54,000 எக்டேராகவும், ஏரி, குளம், குட்டை போன்ற நீர்த்தேக்கங்கள் 26,000 எக்டேராகவும், காடுகள் 18,000 எக்டேராகவும் இருந்தன. இப்படி நீர்த்தேக்கங்களுக்கும், காடுகளுக்கும் அதிகளவில் நிலம் ஒதுக்கப்பட்டிருந்ததும், அதிகமான உற்பத்தித் திறனுக்கு ஒரு காரணமாக இருந்தது.


விவசாயத்தின் உற்பத்தித் திறனை மேம்படுத்துவதைப் பற்றி, 1947 முதல் தொடர்ந்து விவாதம் நடந்து வருகிறது. இதற்காக நாம் மேற்கத்திய நாடுகளில் இருந்து பல தொழில்நுட்பங்களைக் கடன் வாங்கியுள்ளோம்.


அனைத்து துறைகளிலுமே, மேற்கத்திய நாடுகளைக் கண்மூடித்தனமாக பின்பற்றி வரும் சூழ்நிலையில், இதில் ஒன்றும் நாம் ஆச்சரியப்படுவதற் கில்லை. இத்தகைய தொழில்நுட் பத்தைப் பின்பற்றிய பிறகுகூட, இது நமது உணவு பற்றாக்குறையை தீர்க்கவில்லை. இந்த தொழில்நுட்பமானது, நமது நிலத்துக்கு அழிவையே தருகிறது.


இப்படிப்பட்ட உற்பத்திக்காக நாம் நமது நிலத்தின் செழிப்பை இழந்துள்ளோம். இந்த தொழில்நுட்பம் அமெரிக்கா, ரஷ்யா, ஆஸ்திரேலியா போன்ற நாடுகளுக்கு உபயோகமாயிருந்ததற்கு காரணம் அங்கு நிறைய மக்கள் வசிக்காத இடமிருந்தது. நமது நாடோ அதிக ஜனத்தொகை கொண்டது. இந்த தொழில்நுட்பத்தை நாம் பின்பற்றினோமேயானால், இது நமது, நிலத்தின் வளத்திற்கு இன்னும் 100 வருஷத்திற்குள் அழிவையே உண்டாக்கும்.


இத்தகைய அழிவுப்பாதையைப் பின்பற்றி வரும் நாம், நம் நாட்டு விவசாயிகள் 200 ஆண்டுகளுக்கு முன் நிலவளம், அழியாமல் நிரந்தரமான இயற்கை வழி விவசாயம் மேற் கொண்டு, எக்டேருக்கு 10 டன் உற் பத்தியை எப்படி உண்டாக்கினர் என்பதைப் பற்றி ஆழ்ந்து சிந்திக்கவும், ஆய்வுகளை மேற்கொள்ளவும் வேண்டும்.

முகேஷ் அம்பானியின் சம்பளம் இப்போ ரூ.45 கோடி

இந்தியாவின் மிகப்பெரிய பணக்காரராகவும், அதிக சம்பளம் வாங்குபவராகவும், ரிலையன்ஸ் இண்டஸ்டிரீஸ் நிறுவனத்தின் நிர்வாக இயக்குனர் முகேஷ் அம்பானி இடம் பிடித்துள்ளார். அவரது ஆண்டு சம்பளம் 41 சதவீதம் அதிகரித்து, ஆண்டுக்கு 45 கோடி ரூபாயாக உயர்த்தப்பட்டுள்ளது. ரிலையன்ஸ் இண்டஸ்டிரீஸ் நிறுவனத்தின் நிர்வாக இயக்குனராக பதவி வகிக்கும் முகேஷ் அம்பானி, சர்வதேச அளவில் பெரும் பணக்காரர்கள் பட்டியலில் ஐந்தாவது இடத்தை பிடித்துள்ளார். இவரது சொத்து மதிப்பு ரூ. 1.8 லட்சம் கோடி. முகேஷ் அம்பானியின் சம்பளம் மற்றும் இதரபடிகள், 2007-08ம் நிதியாண்டில் 30 கோடி ரூபாயில் இருந்து, 44 கோடி ரூபாயாக உயர்த்தப்பட்டுள்ளது. அதற்கு முந்தைய ஆண்டில், இவரது சம்பளம் 25 கோடி ரூபாயில் இருந்து, 30 கோடி ரூபாயாக உயர்த்தப்பட்டது. இதில் பெருமளவு தொகை, லாபத்தின் அடிப்படையில் வழங்கப்படும் கமிஷன் தொகையாக கிடைக்கிறது.


இதன் மூலம், இந்தியாவில் அதிக சம்பளம் பெறுவோர் பட்டியலில் முகேஷ் அம்பானி முதல் இடத்தை பிடித்துள்ளார். 25 கோடி ரூபாய் ஆண்டு சம்பளம் பெறும், மெட்ராஸ் சிமென்ட்ஸ் நிறுவனத்தின் நிர்வாக இயக்குனர் பி.ஆர்.ஆர்.ராஜா இரண்டாவது இடத்தை பிடித்துள்ளார். இருப்பினும், சர்வதேச அளவில் அதிக சம்பளம் பெறும் முதல் 20 பேர் பட்டியலில், முகேஷ் அம்பானியால் இடம் பிடிக்க முடியவில்லை. போர்ப்ஸ் பத்திரிகை வெளியிட்டுள்ள, அதிக சம்பளம் பெறுவோரின் முதல் 500 பேர் பட்டியலில், முதலிடத்தை பிடித்திருப்பவர், அமெரிக்காவின் ஆரக்கிள் நிறுவனத்தின் தலைமை நிர்வாக அதிகாரி லர்ரி எல்லிசியன். இவர் வாங்கும் ஆண்டு சம்பளம் 790 கோடி ரூபாய். இந்த பட்டியலில், 45 கோடி ரூபாய் ஆண்டு சம்பளம் பெறுவோர் 177 பேர் இடம் பெற்றுள்ளனர். அவர்களில் ஒருவர் முகேஷ் அம்பானி.

2008-ம் ஆண்டுக்கான ரெயில்வே பட்

பிப். 26-

2008-ம் ஆண்டுக்கான ரெயில்வே பட் ஜெட்டை மத்திய மந்திரி லல்லு பிரசாத்யாதவ் இன்று மதியம் 12 மணிக்கு தாக்கல் செய்தார்.

தொடர்ந்து 5-வது முறையாக அவர் ரெயில்வே பட் ஜெட்டை தாக்கல் செய்துள்ளார்.

பொதுவாக பட்ஜெட் தாக் கல் செய்யப்படும் போது ஏதா வது ஒரு விஷயத்தில் விலை உயர்வு இருக்கும். ஆனால் கடந்த 3 ஆண்டுகளாக ரெயில் பயணிகள் கட்டணத்தை லல்லு பிரசாத் யாதவ் உயர்த்த வில்லை. அதற்கு மாறாக கட்டணங்களை அவர் குறைத்து புதிய சாதனை படைத்தார்.

ஏழை மற்றும் நடுத்தர மக்கள் நலனுக்காக இந்த ஆண்டும் ரெயில் கட்டணம் உயர்த்தப்பட மாட்டாது என்று அவர் ஏற்கனவே அறிவித்திருந்தார். இது தவிர மேலும் பல சலுகைகளை வாரி வழங்குவோம் என்று லல்லு பிரசாத் நேற்று நிருபர் களிடம் கூறி இருந்தார். அதை பிரதிபலிப்பது போல இன்று ரெயில்வே பட்ஜெட் அமைந் திருந்தது.

ரெயில்வே பட்ஜெட்டில் கூறப்பட்டிருப்பதாவது:-

பயணிகள் தான் எங்களுக்கு கடவுள். பயணிகள் நலன் தான் எங்களுக்கு முக்கியம். எனவே ரெயில் கட்டணத்தில் மாற்றம் இல்லை. ரெயில் கட்டணம் உயர்த்தப்படவில்லை.

நடுத்தர வர்க்க மக்களின் நலனுக்காக குளிர் சாதன பெட்டிகளின் பயண கட்ட ணங்கள் குறைக்கப்படுகிறது. ஏ.சி. முதல் வகுப்பு பெட்டி களுக்கான கட்டணம் 7 சத வீதம் குறைக்கப்படுகிறது.

ஏ.சி. இரண்டாம் வகுப்பு கட்டணம் 4 சதவீதம் குறைக்கப்படுகிறது.

ஏ.சி. மூன்றாம் வகுப்பு கட்டணம் 3 சதவீதம் குறைக்கப்படுகிறது.

2-ம் வகுப்பு கட்டணம் குறைப்பு

தூங்கும் வகுப்பு கட்ட ணம் 5 சதவீதம் குறைக்கப் படுகிறது. 2-ம் வகுப்பு பெட்டிகளில் பயணம் செய்ப வர்களுக்கு இந்த சலுகை வழங்கப்படுகிறது.

50 கி.மீ. மேல் இரண்டாம் வகுப்பு பயணக்கட்டணம் 5 சதவீதம் குறைக்கப்படுகிறது.

2007-08ம் நிதி ஆண்டில் ரெயில்வே துறைக்கு ரூ.25 ஆயிரம் கோடி லாபம் கிடைத் துள்ளது. இது எதிர் பார்க் கப்பட்ட ரூ.20 ஆயிரம் கோடியை விட அதிகமாகும். தொடர்ந்து லாபத்தை அதிக ரிக்க முயற்சிகள் மேற் கொள் ளப்படும்.

ரெயில்வே துறையின் உற்பத்தி மேம்பட்டுள்ளது. 3 ஆயிரம் கூடுதல் பெட்டிகள் மூலம் ரூ.2 ஆயிரம் கோடி அதிக லாபம் கிடைத்துள்ளது. இதன் மூலம் புதிய உச்சத்தை இந்திய ரெயில்வே எட்டி உள்ளது. கடந்த 4 ஆண்டு களில் ரூ.68,778 கோடி உபரி பணம் கிடைத்துள்ளது. என் னுடைய இந்த சேவையை ஒவ்வொருவரும் பாராட்டு கிறார்கள்.

இணையத் தளம் மூலம், இ-டிக்கெட் பெறும் வசதி அதிகரிக்கப்படும். டிக்கெட்டு முன் பதிவு விஷயத்தில் தகவல் தொழில் நுட்ப வசதி பெறப்படும். இந்த நடவடிக் கைகள் காரணமாக இன்னும் 2 ஆண்டுகளில் டிக்கெட் வாங்க கவுண்டர்கள் முன்பு வரிசையில் நிற்கும் நிலை மாறும்.

சரக்கு போக்குவரத்தில் 785 மில்லியன் டன் கையாள திட்டமிடப்பட்டிருந்தது. ஆனால் இந்த இலக்கை தாண்டி 790 மில்லியன்டன் சரக்கு கையாளப்பட்டுள்ளது. 2007 டிசம்பர் வரை சரக்கு போக்கு வரத்து மேம்பாடு 8.2 சதவீதமாக இருந்தது.

மும்பை பெருநகர ரெயில் களில் பயணிகள் நெரிசலை சமாளிக்க "கோ- மும்பை'' கார்டு அறிமுகம் செய்யப்படு கிறது. இந்த பல்நோக்கு அட்டை பயணிகளுக்கு மிகவும் பயன் உள்ளதாக இருக்கும்.

ராஜ்தானி, சதாப்தி எக்ஸ் பிரஸ் ரெயில்களை சுத்தமாக வைத்துக்கொள்ள புதிய நட வடிக்கைகள் எடுக்கப்படும். எக்ஸ்பிரஸ் ரெயில் பெட்டிகள் இனி சில்வரில் அறிமுகம் செய்யப்படும். ரெயில்களின் வருகை மற்றும் புறப்பாடு நேரத்தை தெரிவிக்க ஏ,பி, தர ரெயில் நிலையங்களில் நவீன அறிவிப்பு பலகைகள் பொருத்தப்படும்.

ரெயில் நிலையங்களில் பெண்கள் மற்றும் முதியவர் களுக்கு கூடுதல் வசதிகள் செய்து கொடுக்கப்படும். அதன் ஒரு கட்டமாக நாட் டில் உள்ள 50 சதவீத ரெயில் நிலையங்களில் நகரும் படிக் கட்டு வசதி செய்யப்படும். தானாக டிக்கெட் கொடுக்கும் எந்திரங்கள் எண்ணிக்கை 6 ஆயிரமாக உயர்த்தப்படும்.

ரூ.500 கோடியில் பிளாட் பாரங்கள் மேம்படுத்தப்படும். 30 முக்கிய ரெயில் நிலையங் களில் பல்நோக்கு வசதியுடன் கூடிய பார்க்கிங்குகள் உருவாக் கப்படும். இந்தியாவின் எந்த பகுதியில் இருந்தும் மற்ற பகுதி ரெயில் சேவை விசாரணை வசதி நவீனப்படுத்தப்படும்.

இரவு நேர எக்ஸ்பிரஸ் ரெயில்கள், எந்த இடத்தில் சென்று கொண்டிருப்பதை பயணிகள் அறிய, ரெயில் பெட்டிகளில் அறிவிப்பு பலகை வசதி செய்யப்படும். எல்லா ரெயில்களிலும் நவீன கழிவறை வசதி செய்யப்படும் இதற்காக ரூ.4 ஆயிரம் கோடி செலவிடப்படும். 36 ஆயிரம் பெட்டிகள் நவீன கழிவறை வசதியை பெறும்.

ரெயில்களை சுத்தப்படுத்தி, அவற்றை பராமரிக்கும் பொறுப்பு தனியாரிடம் ஒப்ப டைக்கப்படும். தானியங்கி சிக்னல் விரிவுபடுத்தப்படும். சரக்கு போக்குவரத்துக்கு 3 ஆயிரம் புதிய பெட்டிகள் சேர்க்கப்படும்.

கப்பல் மற்றும் சாலை போக்குவரத்து நிறுவனங்கள் தங்களுக்கு என தனி ரெயில் கள் இயக்கிக் கொள்ள அனு மதி வழங்கப்படும். 2009-ம் ஆண்டுக்குள் ரெயில்களில் அனைத்து தகவல் தொடர்பு வசதிகளும் செய்யப்படும். `டி' தர ரெயில் நிலைய பிளாட் பாரங்களில் கூரைகள் அமைக் கப்படும்.

ரெயில்வே தொழில் நுட் பத்தை மேம்படுத்த ரூ.2 லட் சத்து 50 ஆயிரம் கோடியில் திட்டமிடப்பட்டுள்ளது.

செல்போன் மூலம் டிக் கெட் முன்பதிவு செய்யும் வசதி அறிமுகம் செய்யப்படும். முக்கிய ரெயில் நிலையங்களில் கண்காணிப்பு காமிரா நிறு வப்படும். அதோடு தீவிர வாதிகள் தாக்குதல்களை முறியடிக்க வெடிகுண்டு கண்டுபிடிக்கும் கருவிகள் முக்கிய ரெயில் நிலையங்களில் வைக்கப்படும்.

2009ம் ஆண்டு 20 ஆயிரம் புதிய வேகன்கள் தயாரிக் கப்படும். 5 ஆயிரம் வேகன்கள் தரம் உயர்த்தப்படும்.

எக்ஸ்பிரஸ் ரெயில்களில் தொலைக்காட்சி மற்றும் இணையத் தள வசதிகள் விரைவில் செய்யப்படும். ரெயில் பயணிகள் பாதுகாப் புக்கு முன்னுரிமை கொடுக்கப் படும்.

ரெயில்வே பாதுகாப்பு படை போலீசாருக்கு கூடுதல் ஆயுதங்கள் வழங்கப்படும். ஆயிரம் இடங்களில் மாநில அரசுகள் உதவியுடன் ரெயில்வே மேம்பாலம் கட்டப்படுகிறது.

ரெயில் பணிகளில் காலி இடங்களை நிரப்ப இனி பெண்களுக்கு 5 சதவீத இட ஒதுக்கீடு வழங்கப்படும். இந் தியா முழுவதும் ரெயில் வேக்கு ஏராளமான இடங்கள் உள்ளன. அவற்றில் ரூ.40 ஆயி ரம் கோடி செலவில் வணிக வளாகங்கள் கட்டப்படும்.

எல்லா முக்கிய ரெயில் நிலையங்களிலும் மெட்டல் டிடெக்டர் மற்றும் ஸ்கேன் கருவிகள் நிறுவப்படும்.

மின்சாரத்தை சேமிக்க, ரெயில் பெட்டிகளில் உள்ள 6 ஆயிரம் பல்புகள் மாற்றப் பட்டு புதிதாக நவீனமான 6 ஆயிரம் பல்புகள் பொருத்தப்படும்.

கேரளாவில் புதிதாக ரெயில் பெட்டி தயாரிப்பு தொழிற்சாலை தொடங்கப் படும். இதற்காக கேரள மாநில அரசு ஆயிரம் ஏக்கர் நிலத்தை ரெயில்வேக்கு வழங்கி உள்ளது.

டெல்லியில் புதிதாக பெரிய ரெயில்வே மருத்துவ மனை கட்டப்படும். இந்த மருத்துவ மனை முழுக்க முழுக்க குளு-குளு வசதி செய்யப் பட்டதாக இருக்கும்.

2009ல் ஊழியர் நலநிதி 10 மடங்கு உயர்த்தப்படும். தாழ்த்தப்பட்டவர்களுக்கு வேலை வாய்ப்பில் கூடுதல் இட ஒதுக்கீடு வழங்கப்படும்.

முக்கிய நேரங்களில் பயணிகள் ரெயில் எண்ணிக்கை அதிகரிக்கப் படும். நாடு முழுவதும் புதிதாக போடப்பட்ட 155 வழித் தடங்களில் பணி நிறைவு செய்யப்பட்டுள்ளது.

இவ்வாறு பட்ஜெட்டில் கூறப்பட்டுள்ளது.

முக்கிய நகரங்களுக்கு புதிய கட்டண விவரம்

2-ம் வகுப்பு ரெயில் கட்டணம் 5 சதவீதம் குறைக்கப்பட்டுள்ளது. இதனால் சென்னையில் இருந்து முக்கிய நகரங்களுக்கு செல்ல புதிய கட்டணம் வருமாறு:-

நகரம் பழையகட்டணம் புதியகட்டணம்

நாகர்கோவில் 304.00 289.00

நெல்லை 286.00 272.00

மதுரை 235.00 220.00

திருச்சி 186.00 172.00

சேலம் 186.00 172.00

கோவை 235.00 220.00

உயர்கல்வி நிலையங்களில் பிற்படுத்தப்பட்டோருக்கு 27 சதவீத இட ஒதுக்கீடு சட்டம் செல்லும்: சுப்ரீம் கோர்ட்டு தீர்ப்பு

மருத்துவம், பொறியியல் படிப்புகளுக்கான மத்திய அரசின் உயர் கல்வி நிறுவனங்களில் (ஐ.ஐ.எம், ஐ.ஐ.டி.) பிற்படுத்தப்பட்ட வகுப்பினருக்கு 27 சதவீத இட ஒதுக்கீடு வழங்கும் உத்தரவு கடந்த ஆண்டு ஜனவரி மாதம் பிறப்பிக்கப்பட்டது.

இதற்கான சட்டத்தை மத்திய அரசு பாராளுமன்றத்தின் இரு சபைகளிலும் கொண்டு வந்து நிறைவேற்றியது. 27 சதவீத இட ஒதுக்கீடு சட்டத்துக்கு வட மாநிலங்களில் கடும் எதிர்ப்பு கிளம்பியது. ஐ.ஐ.எம்., ஐ.ஐ. டி.யில் படித்து வரும் உயர் வகுப்பு மாணவர்கள் போராட்டம் நடத்தினார்கள். இட ஒதுக்கீடு சட்டத்தை எதிர்த்து சுப்ரீம் கோர்ட்டில் வழக்கு தொடரப்பட்டது.

அந்த வழக்கை சுப்ரீம் கோர்ட்டு அவசர வழக்காக கருதி விசாரித்தது. எந்த அடிப்படையில் இட ஒதுக்கீட்டுக்கு மாணவர்கள் தேர்வு செய்யப்படுகிறார்கள் என்று சுப்ரீம் கோர்ட்டு கேள்வி எழுப்பியது. அதற்கு பதில் அளித்த மத்திய அரசு, 1991-ம் ஆண்டு மக்கள் தொகை அடிப்படையில் பிற்படுத்தப்பட்ட வகுப்பு மாணவர்கள் தேர்வு செய்யப்படுவதாக தெரிவித்தது.

மத்திய அரசின் பதிலில் அதிருப்தி அடைந்த சுப்ரீம் கோர்ட்டு நீதிபதிகள் 27 சதவீத இட ஒதுக்கீட்டுக்கு இடைக்கால தடை விதித்தனர். இதன் காரணமாக கடந்த கல்வி ஆண்டில் 27 சதவீத இட ஒதுக்கீட்டை அமல்படுத்த இயலவில்லை. இதையடுத்து இடைக்கால தடையை நீக்கக்கோரி மத்திய அரசு மனு செய்தது.

இந்த மனுவை சுப்ரீம் கோர்ட்டு தள்ளுபடி செய்தது. அதன் பிறகு இந்த வழக்கு விசாரணை 25 நாட்கள் நடந்தது. 27 சதவீத இட ஒதுக் கீட்டுக்கு ஆதரவாக வக்கீல்கள் வாதம் செய்தனர்.

சுப்ரீம் கோர்ட்டு தலைமை நீதிபதி கே.ஜி.பாலகிருஷ்ணன் தலைமையில் நீதிபதிகள் அரிஜித்பசாயத், சி.கே.தாக்கர், ஆர்.வி.ரவீந்திரன், தல்வீர் பண்டாரி ஆகிய 5 நீதிபதிகளைக் கொண்ட அரசியல் சாசன பெஞ்சில் 27 சதவீத இட ஒதுக்கீடு குறித்து அனைத்து அம்சங்களும் ஆய்வு செய்யப்பட்டது. அப்போது சில அம்சங்களில் 5 நீதிபதிகளுக்கும் இடையே ஒருமித்த கருத்து ஏற்பட்டது.

கடந்த நவம்பர் மாதம் இந்த வழக்கு விசாரணை முடிவுக்கு வந்தது. இதையடுத்து தீர்ப்பை நீதிபதிகள் தள்ளி வைத்தனர். அடுத்த கல்வி ஆண்டு தொடங்க உள்ளதால் 27 சதவீத இட ஒதுக்கீடு பற்றி மிகுந்த எதிர்பார்ப்பு நிலவியது.

இந்த நிலையில் இந்த வழக்கில் சுப்ரீம் கோர்ட்டு நீதிபதிகள் இன்று இறுதி தீர்ப்பை வெளியிட்டனர். பிற்படுத்தப்பட்ட மாணவர்களுக்கான 27 சதவீத இட ஒதுக்கீடு சட்டம் செல்லும். அதற்கு எந்தவித தடையும் அளிக்க முடியாது என்று நீதிபதிகள் திட்டவட்டமாக அறிவித்தனர்.

நீதிபதிகள் தங்கள் தீர்ப்பில் மேலும் கூறி இருப்பதாவது:-

பிற்படுத்தப்பட்ட மாணவ- மாணவிகளில் பொருளாதாரத்தில் மிகவும் முன்னேற்றம் அடைந்தவர்களுக்கு (கிரீமிலேயர்) 27 சதவீத இட ஒதுக்கீடு கிடையாது. எஸ்.சி., எஸ்.டி. பிரிவு மாணவர்களுக்கு இது பொருந்தாது.

27 சதவீத இட ஒதுக்கீட்டை 5 ஆண்டுகளுக்கு ஒரு தடவை ஆய்வு செய்ய வேண்டும். மத அடிப்படையில் இட ஒதுக்கீடு அளிக்கப்படுவது நல்லது அல்ல. எம்.பி.க்கள் மற்றும் எம்.எல்.ஏ.க்களின் வாரிசு களுக்கு இட ஒதுக்கீட்டில் இடம் அளிக்கக் கூடாது.

27 சதவீத இட ஒதுக்கீடு எத்தனை ஆண்டுகளுக்கு நடைமுறையில் இருக்கும் என்பதை மத்திய அரசு சரியாக முறையில் தெளிவுபடுத்தவில்லை. அது போல தனியார் உயர் கல்வி நிறுவனங்களில் 27 சதவீத இட ஒதுக்கீடு வழங்குவது குறித்து இன்னும் ஒரு தெளிவான முடிவு எடுக்கப்படவில்லை.

27 சதவீத இடஒதுக்கீடு சட்டம், அரசியல் சாசன அமைப்பின் அடிப்படை அமைப்பை மீறுவதாக இல்லை. இதர பிற்படுத்தப்பட்ட வகுப்பு மாணவர்களில் பொருளாதாரத்தில் உயர்ந்தவர்களை அடையாளம் காண 1993-ம் ஆண்டு செப்டம்பர் 8-ந் தேதிய அலுவலக அறிவிக்கையை பின்பற்றலாம்.

பிற்படுத்தப்பட்ட வகுப்பினருக்கு 27 சதவீத இட ஒதுக்கீடு வழங்குவது எந்த விதத்திலும் சட்ட விரோதம் ஆகாது. ஆனால் காலத்துக்கு ஏற்ப இதில் மாற்றம் செய்யப்பட வேண்டும்.

இவ்வாறு சுப்ரீம் கோர்ட்டு நீதிபதிகள் தங்கள் தீர்ப்பில் கூறி உள்ளனர்.

27 சதவீத இட ஒதுக்கீடு விஷயத்தில் இரண்டு அம்சங்களில்தான் 5 நீதிபதிகளிடமும் அதிக கருத்து வேறுபாடு இருந்தது. பிற்படுத்தப்பட்ட வகுப்பினரை சாதி அடிப்படையில் தேர்வு செய்வதாப அல்லது பொருளாதார அடிப்படையில் தேர்வு செய்வதா என்று தீர்மானிப்பதில் நீண்ட இழுபறி நிலவியது. அது போல பிற்படுத்தப்பட்ட மாணவர்களில் வசதி படைத்தவர்களை சேர்ப்பதா, வேண்டாமா என்பதிலும் இழுபறி நிலவியது.

நீண்ட ஆய்வுக்குப் பிறகு வசதி படைத்தவர்களை இட ஒதுக்கீட்டில் சேர்க்க கூடாது, இட ஒதுக்கீட்டை படிப்படியாக ரத்து செய்யலாம் என்ற 2 அம்சங்களில் நீதிபதிகளிடம் ஒருமித்த கருத்து ஏற்பட்டது. என்றாலும் இறுதி தீர்ப்பு வழங்கும் போது மொத்தம் உள்ள 5 நீதிபதிகளில் தல்வீர் பண்டாரி என்ற நீதிபதி மட்டும் 27 சதவீத இட ஒதுக்கீடு சட்டத்துக்கு எதிராக கருத்து கொண்டிருந்தார். எனவே 4-1 என்ற கணக்கில் இட ஒதுக்கீடு செல்லும் என்று தீர்ப்பாகி உள்ளது.

27 சதவீத இட ஒதுக்கீடு சட்டம் 2008-09ம் கல்வி ஆண்டிலேயே அமல்படுத்தலாம் என்று நீதிபதி கள் கூறி உள்ளனர். எனவே இடஒதுக்கீடு உடனடியாக வர உள்ளது. இன்றைய தீர்ப்பு சமூக நீதிப் போராளிகளுக்கு கிடைத்த முதல் கட்ட வெற்றி என்று திராவிடர் கழகத் தலைவர் கி.வீரமணி கூறி உள்ளார்.

27 சதவீத இட ஒதுக்கீட்டை பெற பா.ம.க. தனி வக்கீலை வைத்து சுப்ரீம் கோட்டில் வாதாடியது குறிப்பிடத்தக்கது. 27 சதவீத இடஒதுக்கீடு செல் லும் என்ற தீர்ப்பால் பா.ம.க. வினர் மிகவும் மகிழ்ச்சி அடைந்துள்ளனர். பிற்படுத் தப் தப்பட்ட வகுப்பினரை தெளிவான முடிவு செய்ய சாதி வாரி கணக்கெடுப்பு நடத்த வேண்டும் என்று பா.ம.க. கூறி வருவது நினைவு கூறத்தக்கது.

சுப்ரீம் கோர்ட்டின் இன் றைய தீர்ப்பு வரலாற்று முக்கியத்தும் வாய்ந்ததாகக் கருதப்படுகிறது. இந்த தீர்ப்பு காரணமாக நடப்பு கல்வி ஆண்டு முதல் ஐ.ஐ.எம்., எய்ம்ஸ், ஐ.ஐ.டி. போன்ற உயர்கல்வி நிறுவனங்களில் மொத்தம் ஒதுக்கீடு அளவு 49.5 சதவீதமாக இருக்கும்.

அதாவது பிற்படுத்தப்பட்ட மாணவர்கள் 27 சதவீத இட ஒதுக்கீடும் தாழ்த்தப்பட்ட மாணவர்கள் 15 சதவீத இட ஒதுக்கீடும், பழங்குடி மற் றும் மலைவாழ் இன மாண வர்கள் 7.5 சதவீத இட ஒதுக்கீ டும், ஆக மொத்தம் 49.5 சத வீத இட ஒதுக்கீடுகளைப் பெறுவார்கள். மீதமுள்ள 50.5 சதவீத இடங்களில் தான் மற்ற இன மாணவர்களும், பொதுவான போட்டி மாண வர் களும் இடங்களை பெற முடியும்.

27 இட ஒதுக்கீடு பிரச்சி னையில் "கிரீமிலேயர்'' என்ற பொருளாதார அடிப் படையை சுப்ரீம் கோர்ட்டு நியாயப்படுத்தி உள்ளது. கிரீமிலேயர் முறைக்கு இதுவரை எந்த அடிப் படை ஆதாரமும் திரட்டிக் கொடுக்கப்பட வில்லை. எனவே சில புள்ளி விவரங் களின் அடிப்படையில் பிற் படுத்தப்பட்ட மாணவர்களில் வசதி படைத்தவர்கள் 27 சதவீத இட ஒதுக்கீடு சலு கையை பெற இயலாத நìலைக்கு தள் ளப்பட்டுள்ளனர்.

ஆகையால் 27 சதவீத இட ஒதுக்கீட்டை பிற்படுத்தப்பட்ட மாணவர்கள் முழுமையாக அனுபவிக்க வேண்டுமானால் "கிரீமிலேயர்'' நிபந்தனையை நீக்க வேண்டும் என்று சமூக நீதி அமைப்புகள் கோரிக்கை விடுத்துள்ளன.

27 சதவீத இட ஒதுக்கீடு செல்லும் என்று சுப்ரீம் கோர்ட்டு தீர்ப்பளித்ததற்கு மத்திய மனித வள மேம்பாட்டு மந்திரி அர்ஜுன்சிங் மகிழ்ச்சி யும், வரவேற்பும் தெரிவித்துள் ளார். அவர் அளித்த பேட்டியில், "இது வரலாற்று முக்கியத்துவம் வாய்ந்த தீர்ப்பு. இதில் நூற்றுக்கணக்கான மாணவர்கள் பயன்பெறுவார் கள்'' என் றார்.

காங்கிரஸ் செய்தித் தொடர் பாளர் அபிஷேக் சிங்வி கூறுகையில், "27 சதவீத இட ஒதுக்கீடு பிரச்சினையில் சிலர் திட்டமிட்டு மத்திய அரசு மீது குற்றச்சாட்டுக்களை பரப்பினார்கள். அவர்களை இன்றைய தீர்ப்பு வாய் அடைக்க செய்து விட்டது'' என்றார்.

இடது சாரி கட்சிகளும் 27 சதவீத இட ஒதுக்கீடு செல்லும் என்ற தீர்ப்பை வரவேற்று உள்ளன. இது குறித்து மார்க்சிஸ்டு கம்ï னிஸ்டு வெளியிட்டுள்ள அறிக்கையில் உடனடியாக இந்த தீர்ப்பை மத்திய அரசு அமல்படுத்த வேண்டும் என்று கூறி உள்ளன.

வரலாற்றில் பதிக்ககூடிய முக்கியத்துவம் வாய்ந்த தீர்ப்பு.

புதியதொரு வரலாரு படைக்கக் கூடிய தீர்ப்பு.